|

Ҳисоботҳо. Саҳифаҳо. Макросҳо ва модулҳо

Тартибдиханда: admin

Дохил кард: Сино Эгамбердиев

Санаи дохилгардида: 2013-01-19

Аз рўи хосиятҳои худ ҳисоботҳо бештар ба шаклҳо монанд буда, вале танҳо барои баровардани маълумотҳо пешбинӣ шудаанд. Қайд менамоем, ки ҳисоботҳо одатан маълумотҳоро барои таҷҳизоти чопкунӣ омода менамоянд. Ғайр аз маълумотҳое, ки аз ҷадвалҳо ва дархостҳо гирифта мешаванд, ҳисоботҳо инчунин, элементҳои форматиронии ҳуҷҷатҳои чопиро низ дошта метавонанд (сарлавҳа, колонтитулҳо, рақами саҳифа ва ғ.).
Ҳисоботҳоро дар реҷаҳои зерин инъикос намудан мумкин аст:

  1. реҷаи конструктор – тағйирдиҳии намуди зоҳирии ҳисоботро имконият медиҳад;
  2. реҷаи азназаргузаронии намуна – ба таври мухтасар дида баромадани намуди умумии ҳисоботро имконият медиҳад;
  3. реҷаи азназаргузаронии қаблӣ – дида баромадани намуди чопии ҳисоботро имконият медиҳад.

Саҳифаҳо
Саҳифаҳо объектҳои махсуси барномаи Access буда, дар навъҳои охирини он амалӣ гаштаанд. Онҳо барои ба истифодабарандагон пешниҳод намудани дастрасшавӣ ба иттилооти базаи маълумотҳо пешбинӣ шудаанд. Бинобар он, онҳоро саҳифаҳои дастрасшавӣ ба маълумотҳо номидан саҳеҳтар мебошад.
Дар шабака инъикос намудани маълумотҳои базаи маълумотҳо бо якчанд роҳҳо амалӣ гашта метавонад. Барномаи Access воситаи махсус – устои саҳифасоз (Мастер страниц)-ро дар бар мегирад, ки амалиётҳои асосии тартибдиҳии саҳифаҳоро ба таври автоматикӣ иҷро менамояд. Дар ҳолати зарурӣ саҳифаи аз тарафи устои саҳифасоз сохташударо дар реҷаи конструктор мукаммал намудан мумкин аст.
Макросҳо ва модулҳо
Чунин намуди объектҳои Access ҳангоми кор бо СИБМ барои автоматикунонии амалиётҳои такроршаванда ва ҳам барои бо роҳи барноманависӣ тартибдиҳии функсияҳои нав пешбинӣ шудаанд. Дар барномаи Access макросҳо аз пайдарпаии фармонҳои дохилии СИБМ иборат буда, яке аз воситаҳои автоматикунонии кор бо базаи маълумотҳо мебошанд. Модулҳо бо воситаҳои забони берунии барноманависӣ – Visual Basic for Applications  тартиб дода мешаванд. Ин яке аз воситаҳое мебошад, ки бо ёрии онҳо тартибдиҳандаи базаи маълумотҳо ба он имкониятҳои ғайристандартиро мувофиқи талаботҳои ҷорӣ татбиқ намуда метавонад.
Умуман, тавассути СИБМ Ms Access барномаҳои мукаммали сатҳи мураккабиашон гуногунро тартиб додан мумкин аст. Ба сифати намуна, базаи маълумотҳои донишҷўёнро овардан мумкин аст, ки дар он ҳисобкуниҳои муҳосиботӣ ба таври автоматикӣ пешбинӣ шудаанд.

Дидан карданд: 2099

Мавзӯъҳои монанд:

Мафхуми умумии SQL, типи маълумот ва воситахои муайянкардани доменхо. Таърихи кутохи SQL

Ҳисоботҳо

Сохтан ва таҳрири майдонҳои алоқаманд

Сохтани навиштаҷот

Формаҳо ва сохтори онҳо. Кор бо формаҳо

Кор бо дархостҳо. Дархостҳои ҷамъбастӣ

Кор бо дархостҳо. Ҳисоббарорӣ дар дархостҳо

Кор бо дархостҳо. Дархост бо параметрҳо.

Кор бо объекти базаи маълумот: дархостҳо. Дархости интихобӣ

Мафҳуми «робита» дар СИБМ Соз кардани робитаи байни ҷадвалҳо.

Коментари дохил карданд:

Каментарй дохил кард: A???S
Санаи дохилгардида: 2013-01-20

Братья СИНО поздравляю с новым сайтам www.durahshon.tj .

Каментарй дохил кард: akbar_1994@mail.ru
Санаи дохилгардида: 2014-04-24

рахмад


Коментарии худро дохил кунед!

Суммаи ин ададҳоро нависед: