|

Намудҳои маълумотҳо дар Microsoft Access. Ҷадвалҳо. Дархостҳо

Тартибдиханда: admin

Дохил кард: Сино Эгамбердиев

Санаи дохилгардида: 2013-01-19

Ҷадвалҳои базаи маълумотҳо бо намудҳои зиёди маълумотҳо кор карда метавонанд. Масалан, базаи маълумотҳои СИБМ Ms Access маълумотҳои намуди зеринро дастгирӣ карда метавонад.
Матнӣ – намуди маълумотҳо, ки барои нигоҳдории матни дарозии маҳдуд (то 255 рамз) дошта, пешбинӣ шудааст.
Майдони Мемо – намуди маълумотҳои махсус, ки барои нигоҳдории матнҳои ҳаҷми калон дошта (то 65535 рамз) пешбинӣ шудаанд. Дар асл чунин матн дар майдон воқеъ нашуда, дар он танҳо нишондиҳандаи матн воқеъ мешавад.
Ададӣ – намуди маълумотҳо барои нигоҳдории ададҳои ҳақиқӣ.
Сана/вақт – намуди маълумотҳо барои нигоҳдории сана ва вақти ҷорӣ.
Молиявӣ – намуди маълумотҳо барои нигоҳдории маблағҳои пулӣ. Дар асл барои маблағҳои пулӣ майдонҳои ададиро низ истифода бурдан мумкин аст. Лекин, барои маблағҳои пулӣ амалиётҳои махсуси яклухткунӣ пешбинӣ шудаанд, ки коркарди чунин маълумотҳоро осон мегардонанд.
Ҳисобкунак – намуди махсуси маълумотҳои  натуралӣ, ки дар майдон такрор намешаванд ва ба таври автоматикӣ зиёд мешаванд. Одатан, барои рақамгузории тартибии навиштаҷотҳо истифода мешаванд.
Мантиқӣ – намуди маълумотҳо барои нигоҳдории маълумотҳои мантиқӣ, ки танҳо ду қиматтро гирифта метавонанд – Дуруст ё Нодуруст.
Майдони маълумотҳои OLE – намуди махсуси маълумотҳо, ки барои нигоҳ доштани объектҳо, масалан, объектҳои мултимедиа пешбинӣ шудаанд. Чунин объектҳо бо роҳи алоқамандӣ ё насбшавӣ ба майдон гузошта мешаванд (OLE). Албатта, чунин объектҳои ҳаҷми калон дошта дар ҷадвал воқеъ нашуда, ҷадвалҳо танҳо нишондиҳандаи онҳоро дар бар мегиранд (дар дигар ҳолат кори ҷадвалҳо хеле мураккаб ва тўлонӣ мешавад).
Гиперишора (гиперссылка) – майдони махсус барои нигоҳдории суроғаҳои URL –и Web-объектҳои Интернет. Ҳангоми пахш намудани ишора намоишгари Интернет ба кор даромада, объект дар оинаи он инъикос меёбад.
Ҷадвалҳо
Дар базаи маълумотҳо ҷадвалҳо мақоми марказӣ доранд – маълумотҳо маҳз дар ҷадвалҳо нигоҳ дошта мешаванд. Базаи маълумотҳо ҳазорҳо ҷадвалҳоро дар бар гирифта метавонад ва миқдори ҷадвалҳо танҳо бо андозаҳои  ғункунандаи дискӣ маҳдуд шуда метавонад.
Объектҳои Access дар реҷаҳои гуногун инъикос ёфта метавонанд: барои ҷадвалҳо одатан реҷаи ҷадвалӣ – барои дохилнамоии маълумотҳо ва реҷаи конструктор – барои азназаргузаронӣ ва мукаммалнамоии структураи ҷадвал истифода мешавад. Гузариш аз як реҷа ба реҷаи дигар тавассути тугмачаи Намуд (Вид) - гузариш ба реҷаи конструктор, - гузариш ба реҷаи ҷадвалӣ, амалӣ мегардад. Инчунин, ба тирчаи секунҷашакли тугмачаи Намуд пахш карда, аз рўйхат реҷаи лозимиро интихоб намудан мумкин аст.
Дархостҳо
Дархостҳо барои дар базаи маълумотҳо ҷустуҷў намудани иттилооти ба шартҳои муайян қаноаткунанда пешбинӣ шудаанд. Иттилооти ёфташударо бо якчанд роҳҳо дида баромадан, тағйир додан ва таҳлил намудан мумкин аст. Ғайр аз ин, натиҷаҳои дархостҳо барои тартибдиҳии дигар объектҳои Access ҳамчун асос истифода шуда метавонанд.
Шаклҳо
Дар ҷадвалҳо иттилоот бо он намуде, ки дохил карда шудааст нигоҳ дошта мешавад. Чунин намуди оддии маълумот на ҳама вақт қулай буда метавонад. Масалан, агар ҷадвал аз 10 майдон иборат бошад, илова намудани маълумот ба чунин ҷадвал дақиқкории баландро талаб намуда, эҳтимолияти ба вуҷуд омадани хатогӣ нисбатан калон мешавад. Дар чунин ҳолатҳо истифодабарии шаклҳо мувофиқи мақсад мешавад.
Ҳамин тавр, агар дархостҳо воситаи интихобнамоӣ ва таҳлили маълумотҳо бошанд, шаклҳо – воситаи дохилнамоии маълумотҳо мебошанд, гарчанде бо онҳо дида баромадани маълумотҳо низ имконпазир аст.
Бо воситаи шаклҳо на танҳо дохилнамоии маълумотҳо, балки инъикоси онҳо низ имконпазир аст. Дархостҳо низ маълумотҳоро инъикос намуда метавонанд, вале онҳо чунин амалро дар намуди ҷадвали натиҷавӣ иҷро намуда, имконияти ба қолиби муайян даровардани маълумотҳоро надоранд. Ҳангоми тавассути шаклҳо инъикос намудани маълумотҳо воситаҳои гуногуни форматирониро истифода бурдан мумкин аст.

Дидан карданд: 3310

Мавзӯъҳои монанд:

Мафхуми умумии SQL, типи маълумот ва воситахои муайянкардани доменхо. Таърихи кутохи SQL

Ҳисоботҳо

Сохтан ва таҳрири майдонҳои алоқаманд

Сохтани навиштаҷот

Формаҳо ва сохтори онҳо. Кор бо формаҳо

Кор бо дархостҳо. Дархостҳои ҷамъбастӣ

Кор бо дархостҳо. Ҳисоббарорӣ дар дархостҳо

Кор бо дархостҳо. Дархост бо параметрҳо.

Кор бо объекти базаи маълумот: дархостҳо. Дархости интихобӣ

Мафҳуми «робита» дар СИБМ Соз кардани робитаи байни ҷадвалҳо.

Коментари дохил карданд:


Коментарии худро дохил кунед!

Суммаи ин ададҳоро нависед: